ٹوئٹر کی تکڑ پر آنے والے ایپ ’’تھریڈز‘‘ نے اپنی جگہ بنانے کے لیے کچھ نجے فیچرز کا اضافہ کیا ہے جس سے صارفین کو متوجہ کیا جا سکے گا۔
فیس بک اور انسٹاگرام کمپنی میٹا اپنے نئے سوشل میڈیا پلیٹ فارم ’’تھریڈ‘‘ کی کامیابی کے لیے سرتوڑ کوششیں کر رہی ہے۔ میٹا کے مالک مارک زگربرگ جو ٹوئٹر کے مالک ایلون مسک کو تھریڈ بناکر چیلنج دے چکے ہیں اب اپنی کامیابی کے لیے ہاتھ پاؤں مار رہے ہیں۔
میٹا نے ٹھریڈ کو اس بہترین وقت میں لانچ کیا تھا جب ٹوئٹر کے نئے مالک ایلون مسک کے کئی نئی اقدامات نے ان کے صارفین کو بدظن کردیا تھا۔ جن میں ایک وجہ بلیو ٹک فیس بھی تھی۔
ایلون مسک کا ٹوئٹر پر اپنے صارفین سے رویہ بھی کچھ بہتر نہ تھا۔ وہ منہ پھٹ ثابت ہوئے اور آتے ہی سی ای او سمیت کئی ملازمین کو فارغ کردیا تھا اور نئی سی ای او کی تعناتی کے لیے مضحکہ رویہ اپنایا۔
اس رویے نے صارفین کو مزید بدظن کیا اور لوگ ٹوئٹر کو چھوڑنے لگے تھے۔ ایسے میں میٹا کے مارک زگر برگ نے تھریڈ لانچ کردی تاہم اس میں چند فیچرز کی کمی محسوس ہوئی۔
تاہم اب صارفین کو سہولت اور جدت کی فراہمی کے لیے ایڈٹ کے لیے بٹن اور وائس نوٹ فیچر کا بھی اعلان کیا گیا ہے ان فیچرز کے اضافے سے صارفین پانچ منٹ کی ونڈو میں جتنی بار چاہیں پوسٹ میں ترمیم کر سکیں گے۔
علاوہ ازیں تھریڈز پوسٹ کرنے کا ایک نیا طریقہ بھی شروع کر رہا ہے جس کے ذریعے صارفین صوتی پیغامات کو ریکارڈ اور شیئر کرسکیں گے یا پوسٹ پر صوتی جواب دے سکیں گے۔
وائس تھریڈز استعمال کرنے کے لیے، صارفین کو صرف مائیکروفون آئیکون پر ٹیپ کرنے اور ریکارڈنگ شروع کرنے کی ضرورت ہے۔ آڈیو کلپ کا ایک کیپشن خود بخود تیار ہو جائے گا، جس میں صارف ضرورت پڑنے پر ترمیم بھی کر سکتا ہے۔
