اسلام آباد( سن نیوز)کالعدم تنظیم کے اسلام آباد لانگ مارچ کے باعث راولپنڈی اور وفاقی دارالحکومت کو ملانے والی مرکزی شاہراہیں سیل ہیں۔کالعدم تنظیم کے احتجاج کے سبب راولپنڈی میں فیض آباد انٹرچینج سے مریڑ چوک صدر تک مری روڈ کو دونوں اطراف سے کنٹینرز لگاکر بند کیا گیا ہے جب کہ چاندنی چوک سے فیض آباد تک مری روڈ سیل ہے اور جگہ جگہ رکاوٹیں ہیں۔اس کےعلاوہ فیض آباد سے سکستھ روڈ تک پولیس کی بھاری نفری تعینات ہے جب کہ متبادل راستوں پر شدید ٹریفک جام ہے۔انتظامیہ کا بتانا ہےکہ راولپنڈی میں صدر سے فیض آباد میٹرو سروس معطل ہے اور میٹرو سروس پنڈی میں تاحکم ثانی بند رہے گی تاہم اسلام آباد میں آئی جے پی روڈ سے سیکرٹریٹ تک میٹرو بس چلے گی۔دوسری جانب رکاوٹوں کے باعث شہریوں، طلبہ، نوکری پیشہ افراد، مزدوروں کو شدید مشکلات کا سامنا ہے جب کہ مریضوں کی اسپتال منتقلی میں بھی مشکلات پیش آرہی ہیں۔

1/3
مندرجہ ذیل اہم سڑکیں اور راستے ٹریفک کے دونوں اطراف کے لیے مکمل طور پر کھلے ہیں:

اسلام آباد ایکسپریس وے، لہتراڑ روڈ، پشاور روڈ، سری نگر ہائی وے، جناح ایونیو، مارگلہ روڈ، شاہراہ جمہوریت، اتاترک ایونیو، سیونتھ ایونیو، فیصل ایونیو، نائنتھ ایونیو اور فقیر ایپی روڈ۔@ICT_Police pic.twitter.com/FVgaHcvYKl

— Islamabad Traffic Police (@ITP_Police) October 28, 2021