اسلام آباد (سن نیوز): سپریم کورٹ میں درخواست کی سماعت کے دوران اٹارنی جنرل نے عدالت کو بتایا کہ حساس اداروں کی رپورٹ کے مطابق عمران خان پر خودکش حملے کا خطرہ ہے۔سپریم کورٹ میں جسٹس اعجازالاحسن کی سربراہی میں تین رکنی بینچ نے اسلام آباد ہائیکورٹ بار کی جانب سے پی ٹی آئی کارکنوں کی گرفتاری کے خلاف درخواست پر سماعت کی جس سلسلے میں اٹارنی جنرل پاکستان اور دیگر عدالت میں پیش ہوئے۔دورانِ سماعت اٹارنی جنرل اشتر اوصاف نے عدالت کو بتایا کہ عمران خان کی زندگی کو خطرہ ہے، حساس اداروں کی رپورٹ کے مطابق عمران خان پر خودکش حملے کا خطرہ ہے۔اٹارنی جنرل کے مؤقف پر جسٹس اعجاز نے کہا کہ آپ اصل ایشو سے دور جا رہے ہیں۔واضح رہےکہ چیئرمین تحریک انصاف عمران خان نے جلسوں سے خطاب کے دوران کہا تھا کہ ان کی جان کو خطرہ ہے۔عمران خان کی جانب سے جان کے خطرے کے بیان کے بعد وزیراعظم شہباز شریف نے ان کی سکیورٹی فول پروف بنانے کی ہدایت کی تھی جب کہ سابق وزیراعظم کو چیف سکیورٹی آفیسر بھی فراہم کیا گیا ہے۔
