اسلام آباد( سن نیوز)پاکستان پیپلز پارٹی کے چیئرمین بلاول بھٹو زرداری کا کہنا ہےکہ ہم بنی گالہ کے شیطان کو بند کرنے جارہے ہیں۔گزشتہ روز بلاول بھٹو زرداری نے پارٹی رہنماؤں کے ہمراہ پریس کانفرنس کی اور وزیراعظم عمران خان کو آڑے ہاتھوں لیا۔بلاول بھٹو نے قوم کو رمضان کی مبارکباد دیتے ہوئے کہا کہ پہلی سحری ہم نیا پاکستان میں کریں گے لیکن افطار تک ہم پرانے پاکستان میں داخل ہوجائیں گے۔بلاول بھٹو نے عمران خان پر تنقید کرتے ہوئے کہا کہ جیسا کا آپ سب کو پتا ہے کہ رمضان میں شیطان بند ہوجاتا ہے بالکل ایسے ہی ہم انشاءاللہ بنی گالہ کے شیطان کو بند کرنے جارہے ہیں ۔عمران خان وزیراعظم رہیں گے یا نہیں؟ فیصلہ آج ہوگا، زرداری، بلاول اور شہباز پارلیمنٹ ہاؤس پہنچ گئےانہوں نے مزید کہا کہ ہر وہ پاکستانی جو مہنگائی، غربت کی وجہ سے پریشان ہے میں ان سب کو مبارکباد دینا چاہتا ہوں کہ انشاء اللہ کل سے عوامی مسائل کا حل ہوجائے گا، کل سے اس سفر کی شروعات ہوگی۔