اسلام آباد( سن نیوز)الیکشن کمیشن میں پی ٹی آئی فنڈنگ کیس کی سماعت آج پھر ہوگی۔گزشتہ سماعت میں چیف الیکشن کمشنر سکندر سلطان راجہ نے کہا تھا کہ میرٹ پر فیصلہ ہوگا۔انہوں نے کہا کہ کمیشن کسی قسم کا پریشر لینے کو تیار نہیں، کسی جماعت کے ساتھ زیادتی نہیں ہوگی۔واضح رہے کہ اسلام آباد ہائیکورٹ نے پی ٹی آئی فارن فنڈنگ کیس کا فیصلہ 30 روز میں کرنے کا عدالتی حکم معطل کردیا تھا۔چیف جسٹس اطہر من اللّٰہ اور جسٹس بابر ستار پر مشتمل ڈویژن بینچ نے سنگل بینچ کا فیصلہ معطل کیا تھا۔پی ٹی آئی نے جسٹس محسن اختر کیانی کے فیصلے کےخلاف انٹرا کورٹ اپیل دائر کی تھی۔