اسلام آباد( سن نیوز)وزیرِ اعلیٰ پنجاب سردار عثمان بزدار کے استعفے کے معاملے پر گورنر پنجاب چوہدری سرور وفاقی دارالحکومت اسلام آباد پہنچ گئے۔ذرائع کا کہنا ہے کہ دارالحکومت اسلام آباد میں سیاسی معاملات کو دیکھتے ہوئے عثمان بزدار کے استعفے پر غور ہو گا۔ذرائع نے بتایا ہے کہ وزیرِ اعظم عمران خان گورنر پنجاب چوہدری سرور کو وزیرِ اعلیٰ پنجاب سردار عثمان بزدار کے استعفے سے متعلق ہدایات دیں گے۔استعفیٰ گورنر پنجاب کے حوالے کیے جانے کا امکانعثمان بزدار کا آج وزارتِ اعلیٰ چھوڑنے کا امکانذرائع کے مطابق پنجاب کے وزیرِ اعلیٰ عثمان بزدار کا استعفیٰ گورنر پنجاب چوہدری سرور کے حوالے کیے جانے کا امکان ہے۔ذرائع کا کہنا ہے کہ وزیرِ اعلیٰ پنجاب عثمان بزدار کا استعفیٰ آج منظور نہ ہوا تو مؤٔخر ہو سکتا ہے۔ذرائع نے بتایا ہے کہ گورنر پنجاب چوہدری سرور، وزیرِ اعلیٰ عثمان بزدار سے ملاقات کے حوالے سے وزیرِ اعظم عمران خان کو آگاہ بھی کریں گے۔ذرائع کا مزید کہنا ہے کہ گورنر پنجاب وزیرِ اعلیٰ پنجاب سے مل کر قانونی تقاضے پورے کر چکے ہیں۔ذرائع کا یہ بھی کہنا ہے کہ گورنر پنجاب چوہدری سرور کی جانب سے وزیرِ اعظم عمران خان کو پرویز الہٰی سے ملاقات اور نمبر گیم کے بارے میں بھی آگاہ کیاجائے گا۔