تازہ ترین

سونے کی عالمی اور مقامی مارکیٹوں میں قیمت آج پھر بڑھ گئی

کراچی – سونے کی مقامی اور عالمی سطح پر قیمت میں آج بھی اضافہ ہوگیا۔ بین الاقوامی بلین مارکیٹ میں سونے کی فی اونس قیمت میں 9 ڈالر کا اضافہ ہونے سے نئی قیمت 2 ہزار 34 ڈالر کی سطح پر آ گئی۔

اسی طرح ملک میں فی تولہ سونے کی قیمت میں 800 روپے کا اضافہ ہوگیا، جس سے نئی قیمت 2 لاکھ 13 ہزار 200 روپے فی تولہ ہو گئی جب کہ فی 10 گرام سونے کی قیمت میں 686 روپے اضافے سے نئی قیمت ایک لاکھ 82 ہزار 785 روپے ہو گئی۔

دوسری جانب سونے کی قیمتوں میں اضافے کے برعکس ملک میں فی تولہ چاندی کی قیمت میں 30 روپے کمی ہوئی اور نئی قیمت 2550 روپے فی تولہ ہو گئی۔ اسی طرح فی 10 گرام چاندی بھی 25.72 روپے کم ہونے سے 2186.21 روپے کی سطح پر آ گئی۔