کراچی – سونے کی عالمی اور مقامی مارکیٹوں میں ہفتے کے روز قیمت کم ہو گئی۔ بین الاقوامی بلین مارکیٹ میں ہفتے کے روز فی اونس سونے کی قیمت میں 4 ڈالر کی کمی ریکارڈ ہوئی، جس کے نتیجے میں سونے کی عالمی مارکیٹ میں نئی قیمت ایک ہزار 914 ڈالر کی سطح پر آ گئی۔
دوسری جانب عالمی مارکیٹ میں سونے کی قیمت میں کمی کے اثرات مقامی مارکیٹ پر بھی پڑے، جہاں فی تولہ سونے کی قیمت میں 600 روپے کمی ہو گئی اور نئی قیمت کم ہوکر 2 لاکھ 21 ہزار 800 روپے فی تولہ ہو گئی۔
اسی طرح مقامی مارکیٹ میں سونے کی فی 10 گرام قیمت میں 514 روپے کی کمی ہونے سے نئی قیمت ایک لاکھ 90 ہزار 158 روپے ہو گئی۔
دریں اثنا ملک میں فی تولہ چاندی کی قیمت بغیر کسی رد و بدل کے 2 ہزار 750 روپے اور فی 10 گرام چاندی کی قیمت بھی بغیر کسی رد و بدل کے 2 ہزار 357.68 روپے پر برقرار ہے۔
