اسلام آباد( سن نیوز):یورپین یونین نے یوکرین سے نکلنے والے مہاجرین کیلئے فوری تحفظ کا بل منظور کر لیا ہے۔ اس بل کے تحت یوکرین کے شہری یورپین یونین کے کسی بھی ممبر ملک میں ایک سال تک صرف اپنی رجسٹریشن کروا کر ( اقامہ حاصل کرکے) رہ سکیں گے۔لیکن اس کے ساتھ ہی اس تحفظ بل میں اس بات کی بھی وضاحت کر دی گئی ہے کہ اس جنگ سے قبل یوکرین میں کسی بھی وجہ سے رہنے والے کسی بھی دیگر ملک کے شہریوں کو 15 دن کے اندر اندر واپس جانا ہوگا۔اس بات کی خاص طور پر وضاحت کی گئی ہے کہ صرف یوکرینی شہری مہاجرین ہی یورپین یونین میں رہ سکتےہیں۔ دوسرے ملکوں میں موجود یوکرین کے عارضی شہریوں کی 15 دن کے بعد قانونی حیثیت ختم ہوجائیگی۔یاد رہے کہ ایک اندازے کے مطابق یوکرین میں پھنسے ہوئے پاکستانیوں کی تعداد 1600 سے کے قریب ہے۔ جس میں سے 357 افراد پی آئی اے کی خصوصی پرواز کے ذریعے واپس چلے گئے جبکہ کئی یورپ کے دیگر ملکوں میں ہیں۔آج پاس کردہ یورپین یونین کے اس قانون کے تحت پولینڈ اور اس کے ارد گرد ممالک میں موجود پاکستانیوں سمیت غیر ملکیوں کے سیاسی پناہ کے امکانات تقریباً معدوم ہوگئے ہیں۔