اسلام آباد( سن نیوز)موذی مرض کینسر میں مبتلا امریکا کی پہلی خاتون وزیر خارجہ میڈلین البرائٹ 84 سال کی عمر میں انتقال کرگئیں۔البرائٹ کے اہلخانہ کےمطابق البرائٹ کی اچانک موت سے وہ ایک پیار کرنے والی ماں، دادی، بہن، آنٹی اور دوست سے محروم ہوگئے۔اہلِ خانہ کی جانب سے جاری بیان میں کہا گیا کہ 84 سالہ البرائٹ کینسر میں مبتلا تھیں۔البرائٹ اقوام متحدہ میں امریکی نمائندہ اور بل کلنٹن کے دور میں سیکرٹری آف اسٹیٹ رہیں، میڈلین البرائٹ بچپن میں دوسری جنگ عظیم کےدوران نازی دورمیں چیکو سلوواکیہ سےبھاگ کر امریکا آئیں۔عمر کے آخری حصےمیں البرائٹ نےحقوق نسواں کیلئے بھرپور کام کیا، 1990میں جب بڑے بڑے سفارتکار روانڈ اور بوسنیا ہرزیگونیا میں نسل کشی پر بات کرنے سے ہچکچاتےتھے تب البرائٹ نے اقوام متحدہ میں بطور امریکی سفیر دوٹوک اور سخت موقف اپنایا۔میڈلین البرائٹ امریکی خارجہ پالیسیوں کی شدید ناقد بھی تھیں۔میڈلین البرائٹ کی موت پر امریکی صدر جوبائیڈن نے کہا وہ آزادی کے لیے ایک قوت تھی، اس کے ہاتھوں نے تاریخ کا رخ موڑ دیا۔ جِل اور میں اس کی بہت کمی محسوس کریں گے۔