اسلام آباد ( سن نیوز)پاکستان تحریکِ انصاف کی ایم این اے کنول شوذب اسلام آباد ہائی کورٹ میں رو پڑیں اور کہا ہے کہ میرے خلاف طرح طرح کے وی لاگ ہوتے ہیں، میں کسی کو منہ دکھانے کے قابل نہیں۔ جمعرات کو ہائی کورٹ کے چیف جسٹس اطہر من اللہ نے پیکا ترمیمی آرڈیننس کے خلاف پی بی اے سمیت دیگر صحافتی تنظیموں کی درخواستوں پر سماعت کی تو کنول شوذب عدالت میں پیش ہوئیں۔ انہوں نے کہا کہ میں پبلک آفس ہولڈر ہوں لیکن مجھے بھی اظہار رائے کی آزادی ہے، کیا میں بنی گالہ میں سروسز دیتی آئی ہوں؟