تازہ ترین

کروناسے زیادہ عمران وائرس پاکستانیوں کیلئے جان لیواثابت ، پی ڈی ایم کا پٹرولیم قیمتوں میں اضافے پر شدید ردعمل

اسلام آباد ( سن نیوز) ترجمان پی ڈی ایم کے حافظ حمد اللہ نے پٹرولیم مصنوعات کی قیمتوں میں اضافے کو مسترد کر دیا ۔ اتوار کو ترجمان پی ڈی ایم نے کہاکہ پی ڈی ایم پٹرولیم مصنوعات کی قیمتوں میں اضافے کوسترد کرتی ہے۔ انہوں نے کہاکہ آئے روز پٹرولیم مصنوعات کی قیمتوں میں اضافے نے عوام سے خوشیاں تو کیا زندگی چھین لیں۔ انہوںنے کہاکہ گھروں میں لوگ بے چین اور نفسیاتی مریض بنتے جارہے ہیں،یہ فیصلے عمران خان آئی ایم ایف کے حکم پر کررہا ہے۔ انہوں نے کہاکہ عمران خان عوام کا نہیں آئی ایم ایف کاکارندہ ہے،انہوں نے سٹیٹ بینک کی خودمختاری بھی آئی ایم ایف کے حوالے کردی۔ انہوں نے کہاکہ وہ سٹیٹ بینک جس کو قائد اعظم ایک آزاد بینک بناناچاہتے تھے۔ انہوں نے کہاکہ عمران نیازی خود تو آئی ایم ایف کا غلام ثابت ہوا،اب اس نے پاکستان کی معاشی خودمختاری کو بھی آئی ایم ایف کے غلامی میں دیدیا۔ انہوں نے کہاکہ اومی کرون ،اور کروناوائرس ،سے زیادہ عمران وائرس پاکستانیوں کے لئے جان لیواثابت ہورہاہے لہذا عمران وائرس سے نجات پانا پوری قوم کی ذمہ داری ہے،قوم پی ڈی ایم کی قیادت کے کندھے سے کندھا ملاکرساتھ دے تاکہ اس جان لیوا بیماری سے قوم نجات پاسکے۔

اس وقت سب سے زیادہ مقبول خبریں