تازہ ترین

پیغمبر اسلامﷺ کی حرمت سے متعلق روسی صدر پیوٹن کا بیان، فضل الرحمان مسلم اُمّہ کے لیڈر عمران خان کا شکریہ ادا کریں، فواد چودھری

اسلام آباد( سن نیوز)فاقی وزیر اطلاعات فواد چودھری نے مولانا فضل الرحمان کے ٹویٹ کو ری ٹویٹ کرتے ہوئے لکھا کہ کھلے دل کے ساتھ مسلم اْمّہ کے اس لیڈر کا بھی شکریہ ادا کریں جس نے نبی کریم ﷺ کی شان اقدس کی حرمت کا مدعا پوری دنیا کے سامنے رکھا اور آج روسی صدرولادی میر پیوٹن جیسے عالمی رہنما عمران خان کی ان کاوشوں کے نتیجے میں اس مسئلے پر دو ٹوک رائے دے رہے ہیں۔مشیر داخلہ شہزاد اکبر نے ٹویٹر پر لکھا کہ بلا شبہ وزیراعظم عمران خان نے عالمی سطح پہ اسلاموفوبیا کے خلاف مقدمہ لڑا اور آج اس بات کے حق میں اٹھنے والی آواز عمران خان کی اپروچ پہ مہر تصدیق ثبت کر رہی ہے۔وا ضح رہے کہ اس سے قبل روسی صدر ولادی میر پیوٹن نے کہا ہے کہ پیغمبر اسلامﷺ کی توہین آزادی اظہار نہیں ہے۔ پیوٹن نے اپنی سالانہ نیوز کانفرنس کے دوران کہا کہ پیغمبرﷺ کی توہین مذہبی آزادی کی خلاف ورزی اور مسلمانوں کے جذبات کی خلاف ورزی ہے۔ پیوٹن نے عام طور پر فنکارانہ آزادی کی تعریف کرتے ہوئے کہا کہ ان لوگوں کی اپنی حدود ہیں اور ان کی آزادی کی خلاف ورزی کرنا بھی کسی طور درست نہیں ہے۔ انہوں نے مزید کہا کہ روس ایک کثیر النسلی اور کثیر الاعتقادی ریاست کے طور پر تیار ہوا ہے اور ہم ایک دوسرے کی روایات کا احترام کرنے کے عادی ہیں،مگر کچھ دوسرے ممالک اس چیز کو پس پشت ڈال دیتے ہیں۔قبل ازیں امیر جمعیت علمائے اسلام (ف) مولانا فضل الرحمان نے کہا ہے کہ روسی صدر ولادی میر پیوٹن کا بیان عالم اسلام کے اس موقف کی تائید ہے کہ حضور ﷺکی حرمت و تقدس آفاقی ہے جس پر ہم انکو خراج تحسین پیش کرتے ہیں۔ ۔ سماجی رابطے کی ویب سائٹ ٹوئٹر پر اپنے ایک بیان پر پی ڈی ایم کے سربراہ مولانا فضل الرحمان نے کہا کہ روس کے صدر ولادی میر پیوٹن کا یہ بیان کہ نبی کریمﷺ کی شان اقدس میں گستاخی اظہارِ رائیکی آزادی یا فن کا اظہار نہیں ہے، عالم اسلام کے اس موقف کی تائید ہے کہ حضور ﷺکی حرمت و تقدس آفاقی ہے جس پر ہم انکو خراج تحسین پیش کرتے ہیں۔

اس وقت سب سے زیادہ مقبول خبریں