اسلام آباد( سن نیوز)کراچی میں پاکستان اور آسٹریلیا کے درمیان کھیلے جا رہے دوسرے ٹیسٹ میچ کے چوتھے دن آسٹریلیا نے 97 رنز 2 کھلاڑی آؤٹ پر اننگز ڈیکلیئر کرکے پاکستان کو جیت کیلئے 506 رنز کا ہدف دیا ہے۔ہدف کے تعاقب کے لیے پاکستان کی دوسری اننگز میں بیٹنگ کا آغاز اچھا نہیں ہوا اور محض 2 رنز پر پہلے ٹیسٹ کے مین آف دی میچ امام الحق 1 رنز بنا کر پویلین لوٹ گئے جبکہ 18 کے مجموعے پر اظہر علی بھی پویلین لوٹے۔ ایسے میں بابر اعظم اور عبداللّٰہ شفیق نے شاندار شراکت بنائی جبکہ قومی ٹیم کے کپتان نے اپنے کیریئر کی چھٹی اور آسٹریلیا کے خلاف دوسری سنچری بھی مکمل کی۔ کھانے کے وقفے کے فوری 506 رنز کے تعاقب میں پاکستان کی دوسری وکٹ 21 رنز پر گر گئی، اظہر علی 6 رنز بنا کر پویلین لوٹے۔میچ میں چائے کے وقفے تک ہوم ٹیم نے 2 وکٹ کے نقصان پر 104 رنز بنا لیے تھے۔کپتان بابر اعظم 74 اور عبداللّٰہ شفیق 61 رنز بنا کر وکٹ پر موجود ہیں، جبکہ پاکستان کو میچ جیتنے کیلئے مزید 357 رنز درکار ہیں اور اس کی 8 وکٹیں ابھی باقی ہیں۔اس سے قبل آسٹریلیا کی جانب سے عثمان خواجہ اور مارنوس لابوشین نے گزشتہ روز کی نامکمل اننگز کا آغاز کیا۔چوتھے دن کے ابتداء میں ہی مہمان ٹیم کو 97 کے مجموعی اسکور پر 44ے والے مارنوس لابوشین کی وکٹ کا نقصان اٹھانا پڑا۔
مارنوس لابوشین کو شاہین آفریدی نے بولڈ کیا جس کے فوری بعد مہمان کپتان نے اننگز ڈیکلیئر کرنے کا اعلان کردیا۔آسٹریلیا نے ٹیسٹ میں مجموعی طور پر 505 رنز کی برتری حاصل کر لی ہے اور پاکستان کو ٹیسٹ جیتنے کیلئے 506 رنز کا ہدف ملا ہے۔پاکستان کی جانب سے دوسری اننگز میں حسن علی اور شاہین آفریدی نے ایک ایک وکٹ حاصل کی۔پاکستان کو کراچی ٹیسٹ جیتنے کیلئے 506 رنز کا ہدف
ٹیسٹ میں گزشتہ روز پاکستان کی پوری ٹیم اپنی پہلی اننگز میں 148 رنز بنا کر آؤٹ ہوگئی تھی۔آسٹریلیا نے اپنی پہلی اننگز 556 رنز 9 وکٹ پر ڈیکلیئر کر دی تھی۔