اسلام آباد( سن نیوز):وزارت داخلہ میں وزیرداخلہ شیخ رشید کی زیر صدارت خصوصی کابینہ کمیٹی کا اجلاس ہوا، کابینہ منظوری کے بعدکمیٹی نے پاکستان اور برطانیہ میں ریٹرنزاینڈ ریڈا میشن معاہدے کوحتمی شکل دے دی۔ اجلاس میں پاکستان اور برطانیہ میں ریٹرنز اینڈ ریڈیمپشن اور مجرمان حوالگی معاہدوں پر بات چیت کی گئی۔مشیر داخلہ برائے احتساب و داخلہ بریگیڈیئر ریٹائرڈ مصدق عباسی نے بھی اجلاس میں شرکت کی۔برطانیہ سے حتمی مشاورت کے بعد معاہدے کو پاکستان اور برطانیہ کے درمیان دستخط کے لیے پیش کیا جائے گا۔ معاہدے سےصرف ایسے شہریوں کو واپس لانے کی اجازت ہوگی جن کو عدالتیں سزائیں سناچکی ہوں گی۔ کابینہ کمیٹی نے پاک برطانیہ مجرمان حوالگی معاہدہ کو بھی جلد مکمل کرنے کا فیصلہ کیا ہے، مجرمان حوالگی معاہدے سے پاکستان اور برطانیہ کے درمیان سزا یافتہ افراد کی حوالگی ممکن ہوسکے گی۔