اسلام آباد( سن نیوز)پاکستان تحریکِ انصاف (پی ٹی آئی) کے ناراض رہنما عبدالعلیم خان برطانوی دارالحکومت لندن سے لاہور واپس پہنچ گئے۔لاہور میں علیم خان آج سیاسی ملاقاتیں کریں گے۔
ذرائع نے بتایا ہے کہ عبدالعلیم خان پاکستان تحریکِ انصاف (پی ٹی آئی) کے ارکانِ اسمبلی سے ملاقاتیں بھی کریں گے۔لندن میں نواز شریف سے ملاقاتگزشتہ روز لندن میں علیم خان نے مسلم لیگ ن کے قائد نواز شریف سے ملاقات بھی کی۔نواز شریف سے علیم خان کی طویل ملاقات، ن لیگ میں شمولیت کا امکانمیڈیا رپورٹ کے مطابق 3 گھنٹے طویل ملاقات میں سابق وزیرِ خزانہ اسحاق ڈار اور میاں نواز شریف کے صاحبزادے بھی موجود رہے۔سابق وزیرِ اعظم سے بزدار پر گفتگوذرائع کے مطابق ملاقات کے دوران علیم خان نے پنجاب میں وزیرِ اعلیٰ عثمان بزدار کی بیڈ گورننس کے حوالے سے نواز شریف کو اپنے تحفظات سے آگاہ کیا۔نواز شریف نے سیاسی رہنما کی حیثیت سے علیم خان کے کردار کو سراہا۔سابق صوبائی وزیر عبدالعلیم خان سے نواز شریف کی ملاقات کی علیم خان کے انتہائی قریبی ذرائع نے تصدیق کی ہے۔دوسری جانب علیم خان کے ترجمان نے لندن میں ان کی نواز شریف سے ملاقات کی تردید کی ہے۔ذرائع کے مطابق عبدالعلیم خان مسلم لیگ ن میں باضابطہ شمولیت اختیار نہیں کریں گے۔ذرائع کا یہ بھی کہنا ہے کہ عبدالعلیم خان تحریکِ انصاف میں ہم خیال گروپ کی قیادت کریں گے۔