تازہ ترین

چوہدری برادران سے شہباز شریف کی ملاقات جلد متوقع

اسلام آباد( سن نیوز)مسلم لیگ قاف کے سربراہان چوہدری برادران چوہدری شجاعت حسین اور چوہدری پرویز الہٰی اور مسلم لیگ نون کے صدر، قومی اسمبلی میں قائدِ حزبِ اختلاف میاں شہباز شریف کے درمیان بہت جلد ملاقات متوقع ہے۔اس حوالے سے ذرائع نے شہباز شریف کا اتوار کے روز چوہدری برادران کی رہائش گاہ جانے کا امکان ظاہر کیا ہے۔ذرائع نے بتایا ہے کہ پی ڈی ایم کے سربراہ مولانا فضل الرحمٰن آج شام شہباز شریف سے ان کی ماڈل ٹاؤن لاہور میں واقع رہائش گاہ میں ملاقات کریں گے۔اس موقع پر دونوں رہنماؤں کے درمیان ملک کی موجودہ سیاسی صورتِ حال پر تبادلۂ خیال کیا جائے گا۔ملاقات میں حکومت مخالف تحریک چلانے کے پروگرام کو بھی حتمی شکل دی جائے گی۔ذرائع کا یہ بھی کہنا ہے کہ دونوں رہنما ملاقات کے بعد پی ڈی ایم کے اجلاس میں آن لائن شرکت بھی کریں گے۔

اس وقت سب سے زیادہ مقبول خبریں