اسلام آباد( سن نیوز)سوات سے تعلق رکھنے والا ایم ایس سی کوالیفائیڈ طالب علم سوئپر بھرتی ہوگیا۔خیبرپختونخواکےضلع سوات کی تحصیل کبل میں والدین کے واحد سہارے نوجوان طالب علم نےخوب دل لگاکرمحنت کی اورایم ایس سی کی ڈگری حاصل کرلی۔ظفرعلی نوکری کے حصول کیلئے نکلاتوکچھ ہاتھ نہ آیا،کے پی میں ٹیچنگ اور سپریم کورٹ آف پاکستان میں نائب قاصد سمیت درجنوں درخواستیں دیں لیکن بات نہ بنی، راولپنڈی انسٹی ٹیوٹ آف یورولوجی میں سوئپر کی نوکری ملی تو اس نے ہاں کہنے میں دیرنہ لگائی۔ظفرعلی کاکہناہےکہ وہ 7 سے 8 بہن بھائی ہیں، اس کے غریب والدین نے اس کے اعلیٰ تعلیم کے حصول کا سپناسچ کرنےکیلئے اپنا سب کچھ اس پر واردیا۔ ظفر علی نے مزید کہا کہ اچھی نوکری کیلئے در درکی ٹھوکریں کھائیں، معاشی حالات سے تنگ تھا،کچرا اٹھانے اور صفائی ستھرائی کی 14 ہزارکی نوکری ملی توفوری ہاں کہہ دی۔