لاہور( سن نیوز): پنجاب اسمبلی میں ہنگامہ آرائی اور توڑ پھوڑ کے معاملے پر اپوزیشن کے 18 ارکان کی رکنیت معطل پر غور کیاجارہا ہے۔ذرائع کا کہنا ہے کہ اسپیکر پنجاب اسمبلی متحدہ اپوزیشن کے 18 ارکان کی رکنیت معطل کرنے پر غورکررہے ہیں جن میں رانا مشہود، طاہر خلیل، سلمان رفیق، عظمیٰ بخاری ، حنا پرویزبٹ اور عنیزہ فاطمہ بھی شامل ہیں۔پنجاب اسمبلی میں اپوزیشن کا احتجاج، توڑ پھوڑ کی ویڈیو سامنے آگئیاسپیکرپنجاب اسمبلی کی ہدایت پر گز شتہ روز ہنگامہ آرائی کی تحقیقات کے لیے کمیٹی تشکیل دی گئی تھی جو اپنی رپورٹ اسپیکر کو پیش کرے گی۔خیال رہے کہ پنجاب اسمبلی میں 3 اپریل کو رات گئے تک اپوزیشن کا احتجاج جاری رہا تھا اور اس دوران اسمبلی کی لابی اور ایوان میں توڑ پھوڑ کی ویڈیو سامنےآئی تھی جس میں میز کے شیشے ٹوٹے، کرسیاں اور صوفے بکھرے ہوئے دیکھے جاسکتے ہیں۔