تازہ ترین

وزیراعظم کی چینی حکام سے آن لائن ملاقاتیں، صدر کے ظہرانے میں بھی شرکت

اسلام آباد( سن نیوز)وزیراعظم عمران خان دورہ چین کے دوران دارالحکومت بیجنگ کے گریٹ ہال پہنچے جہاں انہوں نے صدر شی جن پنگ کی جانب سے دیے گئے ظہرانے میں شرکت کی۔وزیراعظم عمران خان دورہ چین کے دوران بیجنگ میں موجود ہیں جہاں انہوں نے سرمائی اولمپکس کی افتتاحی تقریب میں شرکت کی۔وزیراعظم عمران خان نے چائنہ انرجی اینڈ انجینئرنگ کارپوریشن اور پاور چائنا کے چیئرمینز سے آن لائن ملاقات کی۔آن لائن ملاقاتوں میں پاکستان کے توانائی کےشعبے کی بہتری اورسرمایہ کاری سے متعلق گفتگو ہوئی۔بعد ازاں وزیراعظم بیجنگ کے گریٹ ہال پہنچے جہاں انہوں نے صدر شی جن پنگ کی جانب سے دیے گئے ظہرانے میں شرکت کی۔دوسری جانب دورے کے حوالے سے وزیر خزانہ شوکت ترین کا کہنا تھاکہ وزیراعظم عمران خان کا دورہ چین انتہائی کامیاب جا رہاہے، چین کے صدر اور وزیراعظم سے معاشی، تجارتی تعاون پر بات ہوگی۔

اس وقت سب سے زیادہ مقبول خبریں