اسلام آباد( سن نیوز)عالمی منڈی میں خام تیل کی قیمت 130 ڈالر فی بیرل سے تجاوز کر گئی، تاریخ میں 2008ء اور 1980ء کے بعد خام تیل کی قیمت بلند ترین سطح پر آئی ہے۔دوران ٹریڈنگ ڈبلیو ٹی آئی خام تیل 10 ڈالر اضافے سے 126 ڈالر فی بیرل کی سطح پر آگیا ہے۔ گیس کی قیمت 5 ڈالر فی ایم ایم بی ٹی یو کی سطح عبور کر گئی ہے۔سونے کی قیمت میں بھی تیزی کا رحجان ہے اور فی اونس سونا 2 ہزار ڈالر تک پہنچ گیا ہے۔گندم کی قیمت میں بھی اضافے کا رحجان ہے، دوران ٹریڈنگ 7 فیصد اضافہ ریکارڈ کیا گیا ہے۔واضح رہے کہ وزیر اعظم عمران خان ملک میں پیٹرول کی قیمتوں میں اضافہ نہ کرنے اور موجودہ قیمتیں برقرار رکھنے کا اعلان پہلے ہی کر چکے ہیں۔