اسلام آبا( سن نیوز)آئل اینڈ گیس ریگولیٹری اتھارٹی (اوگرا) کے چیئرمین نے یکم مارچ سے پیٹرولیم مصنوعات کی قیمتیں مزید بڑھنے کا عندیہ دے دیا۔قومی اسمبلی کی قائمہ کمیٹی برائے توانائی کے اجلاس میں چیئرمین اوگرامسرور خان نے بتایا کہ 12 ہفتوں میں تیل کی جو قیمت بڑھی ہے اس کی نظیر نہیں ملتی، جیسے قیمتیں بڑھیں گی اس کا بوجھ عوام پر پڑے گا۔علاوہ ازیں یہ بات بھی سامنے آئی کہ پیٹرولیم ڈویژن نے مارچ کیلئے مائع قدرتی گیس (ایل این جی) کا ایک اور منہگا کارگوخرید لیا ہے، کارگو 25 ڈالر فی ایم ایم بی ٹی یو کے ریٹ پر خریدا گیا ہے۔اس معاملے پر قائمہ کمیٹی کے ن لیگ سے تعلق رکھنے والے رکن مرتضیٰ جاوید عباسی نے کہا کہ منہگی ایل این جی کی خریداری حکومت کی ناکامی ہے۔پیٹرول ملکی تاریخ کی بلند ترین سطح پر پہنچ گیا، 159 روپے 86 پیسے فی لیٹر ملے گاخیال رہے کہ یوکرین اور روس کے درمیان حالیہ کشیدگی کی وجہ سے بھی عالمی مارکیٹ میں تیل کی قیمتوں میں اضافہ ہو رہا ہے۔حکومت نے 15 فروری کو پیٹرول کی قیمت میں 12 روپے 3 پیسے فی لیٹر اضافہ کیا تھا جس کے بعد پیٹرول 159 روپے 86 پیسے فی لیٹر ہوگیا ہے۔